古天樂昨晚出席香港電影工作者總會春茗,身為演藝人協會會長的古仔,果然與一班藝人好玩得埋,被J.Arie(雷深如)、小肥、廿四味、RubberBand等人「劫持」上台,原本Live Band彈緊《月亮代表我的心》,被王梓軒強行叫停改彈《男朋友》,一班人大合唱起哄,古仔見大家盛意拳拳,好難得下都開下金口唱幾句。
因為古仔實在太耐沒公開唱歌,所以全場都好興奮,J.Arie同王梓軒更在instagram上載古仔上台獻唱的片段,兩個都話自己「獨家」!J.Arie留言:「[創舉with love and respect]人生有咩癲得過,喺古天樂古先生面前,大大聲聲唱佢既金曲《#男朋友》, 佢中途真係有開金口唱㗎!好爆……真係好爆,因為從來冇人夠膽係佢面前唱,多謝我既No.1偶像古生!!!Respect and forever #回答我可不可以暫時讓我講出感覺後 #才直說你有男朋友現在就要走 #廿四味 #doughboy #王梓軒 #小肥 #波多野裕介 #rubberband #香港電影工作者總會春茗 #獨家 #史上最癲嘅表演 #古天樂」。
王梓軒都留言:「有請 #殺破狼貪狼 主題曲 #月亮代表我的心 及經典歌曲 #男朋友 原唱 #古天樂 先生上台!!#其實我哋都估唔佢會上台 #回答我可不可以暫時讓我講出感覺後 #好多回憶啊 #香港電影工作者總會春茗 #獨家」。