卓韻芝前年在棟篤笑騷上出櫃自揭雙性戀,已有親密女友,去年11月她又被捕獲和男仔拍拖,當時拍拖1個月,坦言是對方主動追求,更叫大家稱呼男友做「無名人」。

今日繼苟芸慧公佈婚訊後,再到卓韻芝透過新書《峰迴路轉》報喜「我要結婚了,就跟你。」她在書中讚未婚夫又善良又溫柔,沒有缺點只有特點。對於婚訊,卓韻芝表示未正式結婚和落實婚期,但笑指有人已求婚,亦有人應承。

求婚戒指方面,卓韻芝笑指男友指仍製造中,自己也等待驚天動地的設計。她又透露寫新書時仍未認識男友,一切都很突然,「手都未拖過就覺得係對方,第1次約會完咗佢打畀我話有嘢想講,『我要娶你』,我話好吖,感覺到對方係啱嘅人。唔趕結婚,等大家冇咁忙先準備。」