陳曉東完成首場處男騷。
陳曉東完成首場處男騷。

陳曉東昨晚在澳門威尼斯人舉行巡迴演唱會,各地粉絲都有到場支持。一身Cyber Look亮相的陳曉東染了一頭藍髮,連唱出《一萬年》、《了解你的所有》及《愛你躲你》等歌曲,陳曉東興奮地說:「大家等咗好耐好耐啊,等咗好多好多年啊,我哋一齊時光倒流好嘛!」他提到這場不僅是巡唱首場,更是他入行以來第1場個唱,感激在場觀眾令他夢想成真,他說:「今日仲係我結婚紀念日,2014年結婚到依家,太太畀我有好幸福嘅家庭。」隨後,他情深地對著太太王妤嫻唱出《心有獨鍾》及《時間做證》。

陳曉東跟歌迷分享心路歷程,提到多年來面對過不少流言蜚語,的確有段時間是人生失意,他謂:「堅持理想會遇到好多阻礙同難題,有段時間真係好令人失望,好怕理想唔會實現。我試過拎住塊鏡問自己係咪真係想做?於是我執起自己向前行一步,如果徒然就再執起自己向前行一步。」歌迷聞言即大叫「有我哋」及「唔好喊」。他慶幸一路以來獲很多人幫助,包括戴師母(戴思聰太太)、羅嘉慧(前經理人)及媽媽等。接著唱《黑色領帶》時,陳曉東一度感觸落淚。之後陳曉東笑言要請「老闆」上台,令他甘心做牛做馬,就是大女朵朵及細女多多。大螢幕播出兩女兒的吵鬧片段,逗得觀眾哈哈大笑。陳曉東抱起兩女上台,合唱兒歌《拔蘿蔔》,怕醜的多多未有太配合演出。 訪問時,陳曉東坦言不捨得,知道巡唱其他站已落實,稍後才正式公佈,今場就是暖身場。談到在台上慶祝結婚周年紀念,他說:「太太唔知我會記得結婚周年,其實佢幫我安排好多嘢,今次演唱會佢仲緊張過我,屋企又打理得好好。」至於感觸落淚一刻,他笑說:「我都頂得住,有感觸嘅時候,有好多嘢想同大家講,多謝所有入場嘅朋友。」