林雪拍完床上跳舞一幕要入院檢查。
林雪拍完床上跳舞一幕要入院檢查。

黃子華、佘詩曼主演的賀歲片《棟篤特工》,請來多位友情客串的嘉賓演員,其中一位重量級助陣演員就是體重超過300磅的林雪。林雪今次搏命演出,拍到瞓醫院,源頭就要倒帶至去年3月林雪於「第11屆亞洲電影大獎」奪得最佳男配角,當晚得獎後他接受傳媒訪問時,曾透露之前拍《棟篤》後頭暈,結果要入院檢查,可能因為耳水不平衡導致不適。還原林雪拍攝《棟篤》實況,原來他拍偷情戲又要同惹火鬼妹床上跳艷舞,走來走去避大婆捉姦,結果搞到暈低直入醫院。 香艷火辣的背後,林雪唔止跳到差點甩褲,仲跳到冇氣,他說:「跳完乜都唔使做,床上啲嘢冇做好多年!」拍攝之前本來林雪好風騷,不時爆粗,又搞笑地拎隻襪塞住大婆把口,點知埋位跳完辣舞後即刻散晒,好彩無大礙,林雪好快又回復生猛風趣。

《棟篤特工》劇照
《棟篤特工》劇照