張繼聰因經理人公司同無線有官司遭封殺,未能出席他有份主演的《誇世代》大結局活動,這段日子他依然賣力,在社交平台不斷催谷這劇。昨晚播畢結局,阿聰除上載他在家看劇中「死」的一幕外,之後再放上自拍片,因為未知幾時可以再亮相無線,所以最後話「有機會再見」,並留言:「真心,多謝家嘅支持。#誇世代」。 阿聰在片中說:「點呀?睇完大結局,係咪覺都得OK呀?好爽呀係咪?大家都睇得開心?多謝大家嘅支持!呢段時間,無論喺社交平台或者喺街同我講過好多鼓勵說話嘅朋友,我都好衷心多謝你哋,都代我哋成個團隊多謝大家,因為我哋都好畀心機。最後大家睇到開心,我哋就滿意嘞,Thank You,有機會再見!」網民紛紛留言鼓勵,深信總有機會再見,老婆謝安琪亦留言:「我都好唔捨得walking,好想繼續睇你啲劇,好在我係(喺)屋企可以繼續睇你飾演昏君」,好明顯是閨房事,但網民仍好奇「點昏法」?