令熊冇死,陳展鵬、陳山聰兩兄弟扮爭權呃Rainman。
令熊冇死,陳展鵬、陳山聰兩兄弟扮爭權呃Rainman。

無線劇《同盟》上集講到鮑起靜飾演的令熊死咗,皆因阿仔陳展鵬趕唔切注射翻生解藥,更哭成淚人。今晚播出的一集中,阿媽令熊同兩位乖仔又團圓,一家人驚死觀眾唔明,為局中局解畫。陳展鵬講返要做場戲瞞過「金天」Rainman江美儀,強調為鮑姐打假死藥,其實藥效係維持兩個半鐘,計好數趕得切為鮑姐注射解藥。「子杰」陳展鵬同「千佑」陳山聰兩兄弟出面爭權,揮刀隻揪,都係早已串通做場大龍鳳,欺騙一直暗中監視的Rainman。
陳展鵬為咗埋江美儀身,二人有私下來往,搞到蒙在鼓裏的「清欣」胡定欣以為愛人陳展鵬有異樣,引起誤會。不過身有屎的Rainman發現被陳展鵬跟蹤時,雙方即發生槍戰,雖然定欣口裏對陳展鵬起疑心,但身體卻很誠實,突然在槍戰中出現兼為愛人擋子彈,搞到昏迷,Rainman則成功逃之夭夭。陳展鵬望住瞓病床的定欣一臉心痛又流晒眼淚,仲話:「之前冇對你坦白係我唔啱,你依家嘅身份唔係我嘅保鑣,係我高子杰最深愛、最信任嘅女人。」
另外,聽晚《同盟》大結局,Final Boss即將揭盅。之前不少網民估最忠心的「易先生」歐瑞偉會係Final Boss,又有人話「其實鮑姐係Final Boss,同金天夾計隊死晒其他人,想陳展鵬變第2個鮑姐,夠料繼承令氏」。不過睇完預告,網民又諗「家名」林子善有機會係終極大佬,「預告咁就踢爆林子善係Boss?」

令熊救得返。
令熊救得返。
令熊一家設局呃Rainman。
令熊一家設局呃Rainman。

陳山聰為局中局解畫。
陳山聰為局中局解畫。
定欣在槍戰中出現兼為愛人擋子彈。
定欣在槍戰中出現兼為愛人擋子彈。
中槍了
中槍了
陳展鵬一臉心痛
陳展鵬一臉心痛
流晒眼淚啦
流晒眼淚啦