Sammi、阿Sa再度聚首鬥演技,演繹潛藏的醜惡人性。
Sammi、阿Sa再度聚首鬥演技,演繹潛藏的醜惡人性。

潘源良執導的新片《聖荷西謀殺案》,有鄭秀文(Sammi)、蔡卓妍(阿Sa)、林嘉華、佟大為主演,改編自本地劇作家莊梅岩的同名舞台劇。兩位女主角Sammi和阿Sa是繼2003年《戀上你的床》後,相隔14年後再度聚首鬥演技。
隔14年再度碰頭,有不少對手戲和內心戲,對Sammi和阿Sa來說都有不少壓力。Sammi表示:「其實我同阿Sa嘅角色,對演技嘅要求好高!我哋各自要演繹出潛藏嘅醜惡人性,再on top加上一副用嚟掩飾嘅假面具,然後用最貼近日常生活嘅方式,將所有嘢表現出嚟… 角色層次咁豐富,對我嚟講好有挑戰性。」
阿Sa謙虛表示:「呢部戲唔係有咩大場面或者好離奇嘅情節,純粹靠演員嘅演技去令到觀眾入戲,所以每當拍啲重要場口嗰陣,大家都好努力避免影響情緒。」
劇組先在加拿大溫哥華及美國聖荷西拍攝,然後再回香港及深圳完成餘下戲份。對於導演潘源良特別遠赴北美,Sammi表示對演員們入戲有極大幫助:「我覺得大家係拍攝期間都有啲改變,可能冇咁多瑣碎嘢搞,再加上導演潘源良好細心,劇組上下都變得好focus。」

導演潘源良與Sammi、阿Sa及佟大為等人遠赴北美拍攝。
導演潘源良與Sammi、阿Sa及佟大為等人遠赴北美拍攝。

佟大為、Sammi
佟大為、Sammi