Mag在台上偷偷落淚,跟彭杏英接過花後都有感動到喊。
Mag在台上偷偷落淚,跟彭杏英接過花後都有感動到喊。

林欣彤 (Mag)為音樂劇《我和青天有個秘密》演出頭20場,昨晚去到最後一場,餘下20場由林穎彤接捧。由於昨晚亦是該劇A Cast女主角、著名舞台劇資深演員彭杏英最後一場,導演陳恩碩特意擁抱及分別送上兩束鮮花感謝二人,彭杏英與Mag感動到落淚;場外則有半百粉絲冒毛毛細雨拿著香檳等候Mag,還大嗌Good Show,場面感人。 Mag好友許廷鏗、胡鴻鈞及鄭欣宜亦專誠到來捧場,開騷前就衝入後台為Mag打氣,眾人除了對Mag的性感戲服大表震驚外,欣宜更笑言Mag的假髮相當誇張。Mag亦謂其兩個假髮造型都好勁,其中一個入面有隻船,由於頗有重量,都會戴到頭痛和頸痛,後頸更因為黐了膠紙留下紅印;另一難忘事就是今次的團隊精神、劇中所散發的正能量及觀眾的掌聲。 對於最後一場的感受,Mag坦言十分不捨,雖然有在台上忍淚,但最終還是失敗。她說:「我已經忍得好辛苦,但係啲眼淚係咁流落嚟,我都由得佢,好彩舞台燈光勁,大家冇乜點發現我喊。」因為不捨,Mag預告今晚將以觀眾身份到場為繼續演出的演員打氣。