兄妹情深,張靖為扁晒嘴的哥哥打氣,爸爸張繼聰睇到好冧。
兄妹情深,張靖為扁晒嘴的哥哥打氣,爸爸張繼聰睇到好冧。

兄妹情深,謝安琪(Kay)的一對仔女仲要見少陣都心掛掛。話說Kay的10歲大仔張瞻在暑假期間去上海參加足球聯賽同訓練營,不過佢非常掛念家中的可愛細妹張靖,唯有玩視像電話見吓細妹。

Kay食兩球雪糕慶祝阿仔踢波成功入兩球,趁機放縱。
Kay食兩球雪糕慶祝阿仔踢波成功入兩球,趁機放縱。

好爸爸張繼聰抱實囡囡同大仔傾電話,身為媽媽的Kay則操刀拍下見證到兄妹情深的一幕,皆因張瞻太掛住妹妹,望住張靖時扁嘴,令Kay不禁留言「鐵漢柔情好浪漫」。 4個多月大的張靖則表現淡定,以「BB話」為哥哥打打氣,Kay開心表示:「對答之間(張靖)表示對哥哥有十足信心,間中揸實拳頭仔講到好肉緊,努力用BB話為哥哥加油場面溫馨❤ #今日哥哥做隊長 #帶領隊友大勝11比1 #個人入兩球加兩球助攻 #一球送比(畀)妹妹一球送比(畀)媽咪 #媽咪立即走去食左(咗)兩球雪糕慶祝」。雖然Kay曾講過要努力減磅,不過為食之人有大把藉口去放縱,既然囝囝咁叻豬,食兩球雪糕慶祝都係人之常情。