胡定欣去完日本玩,返到香港即搵好友出海尋樂。
胡定欣去完日本玩,返到香港即搵好友出海尋樂。

胡定欣早前拍畢《深宮計》後,立即放長假孖父母遊日本,去了東京及京都等地,由今個月8號開始日日甫旅行相,甫到噚日為止,睇嚟玩得好盡興。

謝東閔、胡定欣玩自拍。
謝東閔、胡定欣玩自拍。
出海撞正黃雨,慘豬。
出海撞正黃雨,慘豬。

今日胡定欣上載新相,穿性感水著騷弗爆身材的她,與老友陳山聰、謝東閔等人坐遊艇出海玩,並留言:「太掛住你地(哋)」,謝東閔亦回應「Happy day again la」。貴人出門招風雨,撞正黃雨出海,陳山聰賴落胡定欣:「就算唔離婚都要分居、點解同妳出海一定要黃雨呢 #以後唔好妳提出海 #好地地唔得既 #不是女神是雨神」。網民見到胡定欣性感示人,都留言大讚「好索啊」、「流鼻血中」、「點解可以咁靚咁索?」