唱歌期間,楊明突然含情脈脈望住女友,再一啖咀埋去,sweet爆!
唱歌期間,楊明突然含情脈脈望住女友,再一啖咀埋去,sweet爆!

楊明月前拍攝劇集《抱佣情人》時,就被發現同有樣有身材、演開妹仔角色嘅郭千瑜態度親暱,繼而傳出楊明暗溝對方。當時女友莊思明就話,絕對信任男友肯定冇越軌舉動同思想。有指楊明o依家無論去邊都會同女友報告行蹤,令佢開心又放心。

輪到佢哋合唱,楊明就拖住女友隻手,仲要係十指緊扣嗰隻。
輪到佢哋合唱,楊明就拖住女友隻手,仲要係十指緊扣嗰隻。

其實,呢對小情侶拍咗拖一年幾,感情已經相當穩定,兩個仲不時喺社交平台放閃,更加係行到邊咀到邊嗰隻,真係煙韌到暈!日前,楊明拍完新劇,於是同女友飛去馬來西亞度假,唔好以為佢哋揀去亞熱帶地區,就一定係去海灘同陽光玩遊戲。對於鍾意夜夜笙歌嘅楊明嚟講,晚黑去唱下K、飲下酒,先至啱佢口味。
現場所見,莊思明單獨唱歌時,楊明就會猜枚自娛;當鏡頭一轉,佢兩個合唱嗰陣,首歌一有停頓位,楊明就要咀嘴,肉麻到身邊朋友冇眼睇!