阿雪個肚好巨型。
阿雪個肚好巨型。

孫慧雪去年底與羅天彥(Edwin)結婚後,今年2月宣佈佗B,預產期為8月中。BB仲有1個月出世,阿雪個肚相當巨型,佢都透露過醫生預計BB有10磅重,準備開刀生巨B。

阿雪希望唔使食「全餐」,又要陣痛又要開刀。
阿雪希望唔使食「全餐」,又要陣痛又要開刀。

今日阿雪再晒巨肚,自言心急生B,佗B時手腳麻痹。阿雪留言:「幾時先可以卸貨呢?同我同期宣佈有咗BB嘅朋友都好似卸晒貨啦❤最近開始持續好急好急嘅感覺!瞓醒覺時手腳都好麻痹,醫生話BB好巨型,可能要開刀‍。但醫生放假了,所以搵咗另一位醫生幫我持續再觀察下先!我問姑娘,如果突然陣痛生得呢?姑娘話到時會有辦法,希望唔好食全餐」。網民都驚覺阿雪個肚好巨型,並留言鼓勵「好勁呀!母親真偉大」、「加油雪雪,一定順順利利」、「期待你個巨B出世 」。