香香一到現場,即刻展現佢甜到漏嘅笑容,同工作人員有講有笑。
香香一到現場,即刻展現佢甜到漏嘅笑容,同工作人員有講有笑。

岑麗香(香香) 呢個甜姐兒,雖然嫁咗「強強」做人妻,但係依然咁sweet,腰果眼加甜美嘅笑容,真係冧死人。早排香香為劇集《溏心風暴3》去到銅鑼灣一間酒店開工拍通宵戲。雖然佢到場時間經已係凌晨兩、三點,一般人精神一定跌晒watt,但係香香天生麗質,一啲疲態都冇。

香香於去年底做人妻。
香香於去年底做人妻。

香香坐住crew車到場,佢見到一男一女嘅工作人員,即刻展現佢招牌嘅甜美笑容,同工作人員仲邊行邊手指fing fing講晒笑,氹得大家不知幾開心,搞到各人都忽然醒神晒。所以話香香似足「開心果」,連身邊嘅人都感染埋,「甜心女神」嘅魅力果然不凡。