Baby產後復工,身形纖細,面珠仍然圓潤。
Baby產後復工,身形纖細,面珠仍然圓潤。

Angelababy(楊穎)於今年初誕下囝囝「小海綿」,3個月以來忙於湊仔及修身的她,近期已產後復工。今日凌晨Baby孖實老公黃曉明抵達上海機場,穿上緊身牛仔褲的Baby明顯身形纖瘦,只是面珠有點圓潤,修身修得七七八八。

好恩愛咁喎。
好恩愛咁喎。
Baby復工影相。
Baby復工影相。

兩公婆拖實晒恩愛,上車離開前更企定定讓記者拍照,黃曉明搞笑地在Baby頭上舉V,又乖乖企開唔搶老婆鏡,認真識做。據知,Baby將夥拍內地男演員黃軒,演出電視劇《創業時代》,亦是Baby首部現代時裝劇。