近排圈中星媽輪住晒大肚寫真,今次輪到吳若希(Jinny)孖澳門闊少男友Alex晒幸福,不過Jinny唔係晒巨肚,反而玩「賣大包」。Alex在社交平台上載黑白照,已佗B女逾7個月的Jinny似乎上半身赤裸賣性感,露玉背及半球,睇得出佗B的Jinny脹奶不少。
Alex甜蜜地錫錫Jinny面珠,抱實Jinny,並留言:「無論你變得幾肥美,我都會一樣咁錫你~~#張相無咩點執#我真係咁大隻#第一次俾你影半裸相#第一次亦都係最後一次」。網民都留言讚兩位好Sweet,「尺度好大喎」、「等埋BB一家三口仲正」、「巧打意巧性感」。