祥嫂(洪金梅)與契仔、契女及黃夏蕙到靈堂向魯芬致祭,手持拐杖現身的祥嫂表示,去年底於元朗見過魯芬,當時見對方身體不俗,聲如洪鐘。
談到長子鄧兆尊公開談論三位紅顏知己,她即要在旁契女和契仔扶住,謂:「好緊張,等我組織下點講。」祥嫂眼紅紅邊講邊爆喊,表示好希望大家要憐憫她,說:「我個仔人見人愛,這件是好事,始終係新馬仔個仔,如果有四、六個都好應該,後生仔嘛!我講得得唔得體?唔好笑佢,唔好挖苦佢,大家畀面祥哥。」她又轉話題指好掛住兒女,自己幾辛苦都好,不要令兒子煩惱,但煩她不緊要。她又謂兆尊出來有苦衷,因為想出來工作入返娛樂圈。她說:「一拖七又好,一拖三又好,男仔一睇覺得佢曬命,同澳門華哥天同地比,呢個係身體健康象徵,有幾多個媽咪都支持,唔好俾弟妹笑你,仔唔好怕,你返出嚟啦!」她續說自己要定神,怕失禮伶王,希望大家留情面,因為新馬仔做好多善事要幫助下她。她說:「我仔女無爭產係我一個唔啱,我仔女唔曳,佢哋無爭過家產,我祥嫂一個唔啱。」她手指住靈堂門外又望住黃夏蕙說:「後生就死,該死唔死,生命好脆弱,我身體不及當年,今日唔好為我難過,19年來無講要顧全大局。」(攝影:朱偉彥)