好快就到情人節,單身狗留喺屋企鋪塵啦,不過放閃唔洗等到情人節嘅,今日元宵節都放得啦!鍾欣潼(阿嬌)喺Instagram上載短片,hashtag「情人節 」、「我老公sweet到爆炸 」、「你地恨唔到㗎啦」,就咁睇以為阿嬌有著落,搵到如意郎君。
原來係好姊妹蔡卓妍(阿Sa)送驚喜,佢遞咗個盒畀阿嬌,高呼「情人節快樂!」阿嬌開心到見牙唔見眼「收到情人節禮物吖!」打開個盒,即播出錄音「小嬌嬌,祝你情人節快樂吖。」盒入面有Macaroon,未食都覺甜到漏啦,冇情人又有乜好怕喎。