胡諾言同陳琪追仔成功,孻仔胡澔錕(Jayden)去年10月出生,本周六爸媽就在迪士尼幫Jayden搞百日宴。 胡仔同老婆有兩個靚囡囡,再加埋孻仔孻心肝,不時貼相分享家庭樂的胡仔,日前胡仔抱住囝囝一家五口合照,爸媽家姐都笑晒口,得Jayden依偎住老爸,胡仔搞笑留言:「佢有心事ar(啊) !波仔!」 原來除了照片,還有一條短片,終於知道點解囝囝個樣咁愁。一家女人,胡仔同囝囝加埋的力量都不及「一個墟」勁,胡仔抱住囝囝面對鏡頭,用愛惜的語氣說:「波仔,波仔,你真係好似一個波呀…」身邊老婆同兩女亦嘈個不停,大女更錫錫細佬,遮住細佬個頭,搞到胡仔急叫:「呢個片嚟㗎,喂喂喂,你行開先!」難怪胡仔除留言:「點解佢叫波仔,係因為…」外,還hashtag「#我詅(諗)波仔其實係怕咗我吔(哋)既(嘅)......」。