外父羅樂林及老婆羅苡之支持他外闖。
外父羅樂林及老婆羅苡之支持他外闖。

市道唔好,唔少TVB藝人,好似鄭敬基、東張小花林泳淘、林子博等約滿都被無綫裁走來減磅,今年5月約滿TVB的2006年香港先生亞軍陳志健(Otto)雖然受重用有得留低,但他卻偏偏要求轉簽部頭合約,未來主力向外發展。現年38歲的Otto坦言就算現階段個市「兵荒馬亂」,但喺外父羅樂林及老婆羅苡之的力撐下,即使少咗大台遮蔭,仍然有安全感,無後顧之憂。 採訪:方騫平 場地:24/7fitness@觀塘駿業街


被軍刀插盲眼的一幕好真實,加埋表情,畫面幾恐怖。
被軍刀插盲眼的一幕好真實,加埋表情,畫面幾恐怖。
拍對打戲,不慎打腫靚仔王浩信個鼻。
拍對打戲,不慎打腫靚仔王浩信個鼻。

陳志健喺無綫13年,在《仁心解碼》、《拳王》等劇集都有好表現,直至去年播出的《是咁的,法官閣下》中,飾演殺掉雙親陰沉罪犯阿鬼,演技層次豐富,更獲網民大讚。剛播完的《解決師》他扮演殺手S,後來被王浩信用軍刀插盲隻眼,激動得咬牙切齒,也相當好戲:「其實演出時加埋手勢係林文龍教路,老婆都驚到唔敢睇。不過,唔少網民鬧爆呢個奸角,但我反而覺得好有趣,哈!喺呢個劇有機會毒殺真正嘅外父喎?拍攝時劇組都取笑我:『你死呀你,咁大膽!』外父好好,拍前叮囑我要大大力咁撞埋去,唔使就住佢嚟拍,但我咁大隻,又怕無情力,梗係有顧忌。」


大讚黃宗澤係個聰明及勤力演員,而且生活好有紀律,值得學習。
大讚黃宗澤係個聰明及勤力演員,而且生活好有紀律,值得學習。
為咗角色他去學掃描,形容係人生一個好體驗。
為咗角色他去學掃描,形容係人生一個好體驗。

除此之外,拍呢套劇又試過因為出拳有偏差,打到王浩信流鼻血,鼻樑又紅又腫,令他驚到震:「當時所有人都好驚,但浩信明白大家都拍到好攰,冇怪過我失手,反而補拍時我壓力更大,外父同浩信咁專業,都係我欣賞嘅藝人之一。」

Otto選擇現階段外闖,可感生不逢時?他卻堅持不後悔:「同TVB簽part time約自由度高啲,𠵱家係時候去睇吓個世界,想試多啲嘢,發掘大隻佬拍打戲以外嘅另一面,而且爸爸有病,係時候多啲陪吓屋企人。就算做正職,人工都唔叫得係好,慶幸我仲可以做健身教練搵到生活費。(叫黃宗澤上多啲堂幫補你生活費囉?)佢經已好勤力,喺香港時一周會操足三日㗎。」

之前他跟向海嵐去上海做直播,算係外闖頭炮工作。
之前他跟向海嵐去上海做直播,算係外闖頭炮工作。
Otto爸爸剛通完「波仔」,幸而術後翌日即可落牀走動。
Otto爸爸剛通完「波仔」,幸而術後翌日即可落牀走動。
拍劇時紅姐教他唔少嘢。
拍劇時紅姐教他唔少嘢。