陳倩揚主持的《揚GI甘露》明年5月出街,除香港外,還會到日本取景訪問當地住家式店鋪。
陳倩揚主持的《揚GI甘露》明年5月出街,除香港外,還會到日本取景訪問當地住家式店鋪。

陳倩揚離開TVB四年不乏工作,香港開電視明年的新節目都預埋佢玩,安排她同黃淑儀(GiGi姐)主持重點綜藝節目《揚GI甘露》,用食物連繫兩代關係,仲會探討婆媳、父母子女等兩代關係。據節目及廣告製作總監盧冰心爆料,原來今次由GiGi姐「點燈」,指定搵倩揚拍住上,搞到倩揚受寵若驚,好想知原因。記者及後向休養中的GiGi姐了解,她揭開謎底說:「對倩揚嘅氣質留低一個好好嘅印象。」採訪:方騫平 場地:Barry巧鬆啲工作室(城寨風味)

節目及廣告製作總監盧冰心爆倩揚好得GiGi姐歡心。
節目及廣告製作總監盧冰心爆倩揚好得GiGi姐歡心。
作為3子女的母親,倩揚打理頭家頭頭是道。
作為3子女的母親,倩揚打理頭家頭頭是道。

原來當年陳倩揚曾做過GiGi煮食節目《吾淑吾食》嘉賓,當中兩人提及過育兒方式,雖然係兩代人,但倩揚的一套令GiGi姐好Buy,紀錄在案,如果有機會必再合作,所以撮成好事。倩揚笑說:「我會好努力裝備自己,但當然係會有壓力,好彩我都識煮嘢,但只限於家庭式煮食,相對GiGi姐只係BB班。」

倩揚開live親自示範,僅用半小時做咗bb餃子及日式湯烏冬畀家人做早餐。
倩揚開live親自示範,僅用半小時做咗bb餃子及日式湯烏冬畀家人做早餐。
GiGi姐對煮食及主持拍檔都好有要求,倩揚被點名合作受寵若驚。
GiGi姐對煮食及主持拍檔都好有要求,倩揚被點名合作受寵若驚。

網絡紅媽
最近倩揚做埋網絡紅人,社交網專頁粉絲超過6萬人,媽媽級粉絲最愛追看她半小時速煮營養早餐、仲會同fans交流做巨型麵包心得及貼地生活點滴。她說:「見到留言,有啲媽咪跟住我做,真係有畀老公、奶奶讚都好感動,我都希望帶出感染力啫,咁我都算係一個合格嘅老婆、媽咪同新抱,雖然有時都會同奶奶持唔同意見,但鬼叫鍾意佢個仔,唯有要諗返個尊重位,其實冇話啱定錯,要互相溝通同學習,兩代互補。」

香港開電視新節目季度中,苑瓊丹會幫手做一個類似《K100》,專門介紹自己嘢的節目《開工大吉77》。
香港開電視新節目季度中,苑瓊丹會幫手做一個類似《K100》,專門介紹自己嘢的節目《開工大吉77》。
王牌收視節目《臥底旅行團3.0》將會添食20集,主持人李尚正、盧頌恩去遠程旅行收料。
王牌收視節目《臥底旅行團3.0》將會添食20集,主持人李尚正、盧頌恩去遠程旅行收料。