又南雖然年紀大Rachel足足10年,但孩子臉的他跟女方依然合襯。
又南雖然年紀大Rachel足足10年,但孩子臉的他跟女方依然合襯。

黃又南和梁雍婷(Rachel)最近在「香港亞洲電影節」開幕電影《再見UFO》內首度合演情侶,又南話跟Rachel溝通得好好,完全不覺對方只拍了三部電影,Rachel就讚前輩夠親切,特別是分手戲份兩人都非常投入。講到戲中要扮演患有血癌角色,又南坦承有為角色專登減掉18磅,但依然嫌自己太大隻,自責未夠專業。撰文:杜淑霞 攝影:李維隆 髮型:Louis Tse @number 8 hair Salon(又南)、Oscar Ngan@ii Alchemy(梁雍婷)化妝:Henry Tse @ Big C Styling(又南)、May Lin(梁雍婷)服裝:Lane Crawford(又南)、Love,Bonito及CHARLES& KEITH(梁雍婷)場地:R One Space(銅鑼灣)

又南臉型天生瘦削有助演患病角色,但他不想利用這藉口遮蔽自己的不專業。
又南臉型天生瘦削有助演患病角色,但他不想利用這藉口遮蔽自己的不專業。
Rachel坦言是睇又南的作品大,之前有機會跟Cookies的Stephy合作,今次就跟Twins和Shine合作,滿足了幾個願望。
Rachel坦言是睇又南的作品大,之前有機會跟Cookies的Stephy合作,今次就跟Twins和Shine合作,滿足了幾個願望。


去年憑《藍天白雲》獲香港導演會最佳新演員獎及香港電影金像獎最佳新演員獎提名的Rachel,相對於入行18年的又南絕對是新丁,但兩人合作起來完全不覺經驗的差異,又南說:「真係睇唔出佢咁新,我哋溝通得好好。」Rachel又坦承最初見到前輩確實有膽怯,「見到偶像,梗係會緊張啦!但係見到真人咁nice,就放心好多,同埋就算幾緊張,埋到位都唔可以影響演出。」

又南和Rachel都覺得這場分手戲最難忘,大家都拍得相當投入。
又南和Rachel都覺得這場分手戲最難忘,大家都拍得相當投入。
戲中有不少90年代劇情,又南坦言這正是自己成長年代,感受特別深。
戲中有不少90年代劇情,又南坦言這正是自己成長年代,感受特別深。


鵬哥演技厲害

戲中又南演的「何家謙」因自小患有血癌,身體較為孱弱,但剛巧去年開拍前他為Shine第二次紅館演唱會《Shine Moments Live 2018》操大隻,「雖然我拍前專登減磅,都有成18磅,但係好多肌肉大咗就收唔番,如果係以前身型演起嚟應該更適合,所以我唯有着長袖衫遮住,其實應該再減多啲,我覺得自己咁樣唔係夠專業。」談到戲中他跟盧海鵬一段爺孫情感人,又南都相當認同,「我細個都係喺屋邨跟阿爺同阿嫲大,所以感受特別深,同埋鵬哥真係好厲害,最深刻有幕佢見到我喊望一望我,拍嘅時候我真係感受到佢關心我,同埋有佢喺度大家會拍得特別舒服,所有人都會睇佢頭嘛!」

鵬哥戲中演繹又南爺爺,他不論跟又南拍檔或是跟小演員合演,演繹一樣令人動容。
鵬哥戲中演繹又南爺爺,他不論跟又南拍檔或是跟小演員合演,演繹一樣令人動容。
日前又南和Rachel聯同徐天佑等,出席該片「香港亞洲電影節」的開幕首映。
日前又南和Rachel聯同徐天佑等,出席該片「香港亞洲電影節」的開幕首映。