詩雅和Alex都覺得對方是個好易溝通的對手,都想繼續合作。
詩雅和Alex都覺得對方是個好易溝通的對手,都想繼續合作。

衛詩雅和林德信(Alex)最近在「香港亞洲電影節」開幕電影,以前「包山王」、攀石運動員黎志偉真人真事改編的《獅子山上》中,首度合演夫妻,雖然兩人第一次有大量感情戲,但出奇地有默契。詩雅大讚導演選角出色,縱然角色有婚外情,但因Alex有種魅力令人「嬲佢唔落」;而Alex就讚詩雅精湛演技,令他感動到流下男兒淚。撰文:杜淑霞 攝影:李維隆 髮型:Nikoo Chan(衛詩雅)、Negan Leung(林德信)@Hair Corner(CWB) 化妝:Kayte Fung(衛詩雅)、Aimie Cheung(林德信) 服裝:Lane Crawford(衛詩雅) 場地:R One Space(銅鑼灣)

詩雅和Alex都是首次演父母角色,對他們是一大挑戰。
詩雅和Alex都是首次演父母角色,對他們是一大挑戰。
詩雅在戲中有不少感情戲,自然離不開要喊。
詩雅在戲中有不少感情戲,自然離不開要喊。

詩雅和Alex雖然拍攝前未聽過黎志偉的故事,但知道後都大讚對方意志力好驚人,飾演對方角色的Alex感受更強烈,「我唔敢諗自己如果好似佢咁遇到交通意外,搞到半身不遂,可唔可以好似佢咁有毅力,去完全自己嘅夢想,但我都係比較正面諗嘢,呢個故仔係一個好好嘅訊息,話畀人聽遇到困難一定要夠正面。」

Alex拍攝爬山戲份相當考體力,特別這場扮爬獅子山,全程要吊在半空演出。
Alex拍攝爬山戲份相當考體力,特別這場扮爬獅子山,全程要吊在半空演出。
Alex笑言戲中演兒子的小演員太活潑,合作時有一定難度。
Alex笑言戲中演兒子的小演員太活潑,合作時有一定難度。

導演選角出色
講到初次合作,詩雅和Alex都覺得溝通得好好,Alex仲大讚「老婆」演出令他感動,「有場戲講我哋喺床度傾偈,佢講咗句『如果有下世,我唔會再揀你!』聽見真係好心酸,我都忍唔住好自然喊咗出嚟。」戲中演Alex太太的詩雅,明知他有外遇,依然為他生仔,仲不離不棄撐起成頭家,詩雅自問本身愛恨分明得多,「佢個角色,其實係個好自私嘅男人,佢無論愛情、家庭定事業,咩都係諗自己先,如果我係佢太太,發現有第三者就一定忍唔到,可能會帶埋個仔走都未定。不過導演選角好好,Alex有個特質就係做唔好嘅嘢,都嬲佢唔落,觀眾唔會憎咗佢。」問到現實中Alex會如何抉擇,他直言一定會揀番老婆,「唔鍾意就唔會結婚啦!」仲話好鍾意小朋友,將來都想做老竇,但依家仲未搵到對象。

日前兩人跟故事主人翁兼監製黎志偉(右二)及導演梁國斌(右一)等,出席「香港亞洲電影節」首映禮。
日前兩人跟故事主人翁兼監製黎志偉(右二)及導演梁國斌(右一)等,出席「香港亞洲電影節」首映禮。