兩個鬼妹仔同聲同氣好對咀型。
兩個鬼妹仔同聲同氣好對咀型。

李樂詩(Joyce)及衞詩(Jill)今日錄影ViuTV音樂節目《Chill Club》,原來兩個鬼妹仔好有緣,除咗同聲同氣,二人同叫「阿詩」兼英文名以J字開頭,只可惜每次見面只限吹水,無緣對唱。

衛詩被心上人拒愛。
衛詩被心上人拒愛。
李樂詩係幸福人妻。
李樂詩係幸福人妻。

節目中Joyce會照唱TVB劇集《真情》的主題曲,更邀得Joey Tang重新編曲,以及彈結他伴唱。Jill則會獻唱陳奕迅的《Lonely Christmas》,雖然現實中未有拖拍,仍不感Lonely。

今日齊齊錄影ViuTV音樂節目《Chill Club》。
今日齊齊錄影ViuTV音樂節目《Chill Club》。

早前Jill表明有教友意中人,但男方未走出情傷,表明暫時想單身,今個聖誕節,Jill約會他無望,被拒愛食咗個「檸檬」。Joyce即笑說:「揀過第二個啦,多啲同我出街,我介紹男仔畀你,女仔唔好做主動追男仔,要男仔辛苦追求你先有價值。」