楊柳青在劇中有很多挑戰,幸好色誘戲和出浴戲拍攝效果都令她滿意。
楊柳青在劇中有很多挑戰,幸好色誘戲和出浴戲拍攝效果都令她滿意。

「新一代打女」楊柳青(Wiyona)最近在TVB新劇《解決師》中飾演性感女秘書,經常要着貼身衫出鏡,甚至要着三點式坐遊艇及拍大露背出浴戲,搞到佢好緊張,事前要日日做Gym兼戒口,拍攝前兩日開始唔飲水,希望「脫水」兩日令身形再靚啲。唔飲水好難捱,但唔及跟劇中情人李天翔Kiss辛苦,她笑言是首度獻出熒幕初吻,「無諗過錫錫都咁講技巧」,她表示除咗學拳、學揸槍,嚟緊都要苦練埋錫錫了。
撰文:李佩儀 攝影:李維隆 髮型:Kitty @haircorner 飾物:wowfahionhk 場地:Paper Moon

在出浴戲中,Wiyona有個大露背鏡頭,為此她努力keep fit。
在出浴戲中,Wiyona有個大露背鏡頭,為此她努力keep fit。
楊柳青在劇中是陳敏之的秘書,兩人勁多對手戲。
楊柳青在劇中是陳敏之的秘書,兩人勁多對手戲。

楊柳青表示自己性格一向男仔頭,所以演女秘書是挑戰,幸好TVB準備好多靚衫靚鞋畀佢,她笑言:「一着起啲衫真係會斯文啲,行起路嚟都會扭吓扭吓。」有場戲要Wiyona爬上床跟情人李天翔談心,「我用平時爬上床嘅方法,點知男導演即刻叫停,再問我可唔可以婀娜啲,跟住佢跳上床示範畀我睇。」提到劇中要穿三點式和有出浴戲,Wiyona直言:「真係好緊張,因為我一向畀人感覺係做運動同打功夫,所以唔可以拍得唔靚,於是拍攝前我日日都做gym,食嘢又要清淡啲,戒飯、甜品同宵夜,拍攝前兩日仲要『脫水』等身形乾身啲靚啲。  」所謂「脫水」是唔飲水落肚,但她有飲水去濕吓個口。

楊柳青平日每星期做3次gym,但拍此劇前就日日做。
楊柳青平日每星期做3次gym,但拍此劇前就日日做。
楊柳青最近上堂學揸槍,希望拍攝時有機會用到。
楊柳青最近上堂學揸槍,希望拍攝時有機會用到。

拍喊戲喊唔出
提到穿三點式拍攝場口, Wiyona說那場要色誘二世祖溫家偉,拍攝都算順利,不過出浴那場只能戴Nude Bra和穿肉色打底褲,她笑言: 「感覺好似冇着咁,拍攝現場又多人,所以都幾尷尬。嗰場戲我仲要獻出我嘅熒幕初吻,我睇其他人拍接吻戲好浪漫,我以為我都做到,但原來唔係想像中咁易,都要講技巧,唔可以太猴擒,速度又要啱,大家嘅嘴唇位又要夾,(係咪要NG好多次?)都係拍咗半個鐘,因為要趕住交場,哈哈! 」 今次她還有另一個挑戰就是喊戲,她續稱一場喊得出一場喊唔出,喊極都流唔到眼淚,結果只能做到眼濕濕。 」幸好今次她的對手陳敏之和李天翔都好好,經常提點她,又不時請她食飯,她笑稱像一家人真係拍得好開心!

楊柳青學過詠春、泰拳、八卦掌和刀槍棍等,有一身好武功。
楊柳青學過詠春、泰拳、八卦掌和刀槍棍等,有一身好武功。