古天樂及張繼聰等主演的懸疑電影《犯罪現場》。
古天樂及張繼聰等主演的懸疑電影《犯罪現場》。

由爾冬陞監製,馮志強編導,古天樂、張繼聰、宣萱、顏卓靈主演的懸疑電影《犯罪現場》,將於10月24日在香港上映。在戲中一場戲講述張繼聰在馬灣被古天樂威迫「下海」,獻上張繼聰從影後首次跳海戲,雖然衛生環境欠佳,但他表示這是自己一個演藝生涯的里程碑。他更搞笑地說,因為是古天樂逼他跳下去,所以自己沒有生氣,而且可以近距離欣賞到古仔的英姿覺得非常值得。

拍攝當日天氣相當「翳焗」,現場所見所跳的水域非常混濁,更不時有排泄物飄過,但張繼聰非常敬業,沒半句怒言,就跳入海中。拍攝期間喝了不少又咸又濁的海水,但上水後他一臉正經地說:「我今日征服咗呢一帶嘅海域,完全係浸淫同擁抱呢個大自然嘅質感裏面。」他感謝導演在炎炎夏日為自己安排了一場透心涼的落水戲,並表示:「每個出色嘅演員都有演過跳海戲,所以我算係完成咗個心願!」

至於同偶像古天樂演對手戲,張繼聰流露出幸福的神情,笑說:「可以近距離欣賞到古天樂喺快艇上嘅英姿,令到我有一刻真係開心到想跳舞,雖然係佢逼我跳落去,不過我冇嬲佢。」鬼馬的張繼聰浸在海水期間搞笑地跳韻律泳。

面對張繼聰的主動「寬恕」,古天樂笑住回應:「嗰場戲係導演寫佢跳落海,唔係我叫喎!我只係跟住劇本去演繹。」古仔本來很關心張繼聰跳海時的安危,但回憶起當時拍攝情況卻忍不住失笑:「一開始始終都會擔心嘅,點知佢一跳落去可以企喺到,原來嗰到好淺水,佢大半個身係水面。」這場戲需要古仔開快艇離開,他坦言都有一定的難度以及危險度:「因為要我一下子將架快艇加速,咁隻船會好『擺』,有機會撞到阿聰,加上我又要就個航拍鏡頭,所以都幾深刻。」