詩詠話有意結婚先帶男友見家人,不想家人一場歡喜一場空。
詩詠話有意結婚先帶男友見家人,不想家人一場歡喜一場空。

唐詩詠以「仁濟關愛大使」身份出席於沙田區探訪獨居及隱蔽長者活動,大派愛心福袋。詩詠表示試過探訪長者及到訪外地的老人院獻唱粵曲,雖然她不太懂得唱粵曲,但知道長者喜歡聽,所以也會唱,更自嘲唱得難聽。她說:「他們見到我好似見到孫女,會叫我食多啲嘢,又問我呢排點呀?」詩詠笑指一班長者沒有問及她感情事,但會給予意見,又建議要少拗撬同多多包容,反而擇偶條件最重要心地善良、孝順。那家人可有給予擇條條件的意見?她謂家人不夠膽講,爸爸好少出聲,說:「哥哥同我講話爸爸好擔心我,但不敢跟我講,我都好少講,怕他擔心,自己都唔知點講。」當建議她有男友的話,帶同與家人見面,她則謂有意結婚才會帶同男友跟家人見面,不想家人開心完後,變得不開心。
對於被影到跟升學顧問中心創辦人兼執行董事陳思銘約會,有指兩人一起到超市又同居試婚,詩詠否認其事,說:「講咗好次!張相冬天影,唔想再講!係一個朋友,當日有聚會,希望大家畀啲時間同空間我哋。如果個個喺我身邊出現就係我男友,做我朋友會好大壓力。」談到報道指兩人買新居築愛巢,她說:「喺我隔離就會話係我男友,被人影到在超市買餸就會話整燭光晚餐,但我都唔識煮嘢食。」對於陳思銘可有介意被指兩人拍拖?她直言未有談論此話題。問到可會相約馬國明?她說:「點解要約佢?啲人問我點解唔約馬明去街,佢哋唔好咁投入套劇啦。(馬國明有冇機會?)可能我唔啱佢呢。(兩人識太耐而無機會?)我無諗過。」