黃淑儀重申當年受傷純屬意外。
黃淑儀重申當年受傷純屬意外。

黃淑儀(GiGi姐)受訪商台節目《1圈圈 星光背後》,重提早年被翻於1976年為無綫拍攝劇集《書劍恩仇錄》時,飾演李沅芷的GiGi姐,跟演霍青桐的汪明荃(阿姐)、演鴛鴦刀駱冰李司棋曾爆出過爭戲爭排位傳聞,更有指當年阿姐刺傷GiGi姐後鬧不和。
GiGi姐對該次受傷歷歷在目,親述當時情況,稱他們拍劇用的劍、刀均是真金屬,故很容好易斷。她說:「有一場戲我撩佢(阿姐),佢嬲就攞把劍一打過嚟,我一擋,把劍一斷就飛咗嚟呢度(指著眉心)。」GiGi姐謂當時由李家鼎抱上車送去醫院縫針,醫生很好人,幫她縫得很幼,共縫了4針,疤痕不明顯,只有皺眉時就見到有一條痕。GiGi姐說當時沒驚:「意外嚟㗎嘛,係真係冇事,總之唔好插到我隻眼,或者我盲咗,咁我就識驚;當時有啲血流落嚟咁樣。」
對於被炒跟阿姐有恩怨,GiGi姐連聲否認:「冇冇冇,絕對冇,大家都知係意外,不過,當時阿姐連半個電話都冇打嚟問,『你點呀』,或者『唔好意思』,冇!反而近年見到佢,佢自己攞出嚟講,『哎吔,當時呀,我把劍插親佢,真係幾唔好意思』,都過咗幾十年仲講嚟做咩,真係冇話唔開心,因為係意外。」

幾位阿姐早前難得相聚。(ig圖片)
幾位阿姐早前難得相聚。(ig圖片)