郭子豪到將軍澳電視城參與節目《公益金萬眾同心50年》直播。
郭子豪到將軍澳電視城參與節目《公益金萬眾同心50年》直播。

早前涉醉駕上庭,並與港姐亞軍鄧卓殷(Amber)傳出戀情的郭子豪,到將軍澳電視城參與節目《公益金萬眾同心50年》直播,他將與兩位藝員挑戰引體上升50次,提到緋聞女友Amber否認交往,更指彼此是教友,亦不介意影合照,子豪表示:「照佢講的情況,早前我家庭、寵物同埋私生活都出現問題,種種原因佢帶領我接受神的幫助,走出陰影,佢有一定的功勞。(有機會再進一步嗎?)冇諗,現在重新出發,工作為先,加上單案未判,仲有變數。」

提到子豪前女友Karen在在社交網指有人講大話,子豪澄清說:「我哋係年頭分手,到上庭前一晚先見佢,佢都擔心個裁決,大家好似一家人,會為面臨裁決的家人擔心,當晚我係拍完《娛樂大家》後去到佢樓下,停留了個多小時,一直在車上。(係咪你畀咗錯誤訊息對方誤會想復合?)絕對冇,佢都同我講佢有追求者,我哋最後都有一個打氣的擁抱道別。(分手時唔湯唔水?)好清晰,我睇返新聞都跟拍我十幾日,若果有嘢唔會影到咁少。大家關係好似家人,好感恩,原本係一個好Warm的結束,再見亦是朋友,唔想大家的最後一頁唔開心,希望大家畀多啲空間佢同佢家人。」

問可有溝通Karen為何寫下那一段話?子豪說:「佢冇諗咁多,佢只係宣發個人情感,冇諗過一段話會影響我聲譽、甚至我的裁決,唔好怪佢,希望大家用圈外人價值觀睇佢,唔好畀報道描黑咗。(你咁講唔怕新歡唔開心?)唔係新歡,係教友,佢嘅扶持令我好舒服、非常感恩。(裁決咗先可以公佈?)冇諗咁多,工作為先,重新出發。」提到神的兒女不可以講大話,子豪似迴避問題,並說:「我都有考慮搵一間教堂受洗。」