林海峰(Jan)出席記者會,宣布9月20日至25日於紅館開騷。他表示:「我跟商台眨吓眼已合作了一段很長的時間,年紀不輕,所以考慮與商台展開新章節,短期內會離開商台一段時間,但尚未通知商台。至於再返工的時間就要視乎賣飛狀況,賣得好就唔返,賣得唔好就好快返。」

他其後解釋,自己只是在騷前閉關4、5個星期,已是極限,因為根本找不到替工。Jan又道:「係經過一段時間的深思熟慮,每朝都想着,雖然是我單方面決定,尙未得到商台允許,不過這個決定是不會改變。再且,離開的這段時間亦不會返去,因為過海太貴,除非有廣告要過九龍拍攝。」


談到他經常表示一屋女人陰氣盛而擔心影響度橋思維,笑問閉關期間會否離家出走?Jan打趣稱已被家人離棄,全都出國留學了,現時家中只有他跟家傭,彼此都聽不明對方講甚麼,因此不會有影響。

至於他的海報被氣球綑綁帶有SM味,他謂:「無咁重口味,今次主題係『Happy Monday』,因為Monday與Happy拉不上關係,所以用氣球增添愉悅感,希望在不快樂中帶給大家快樂,亦是自己多年來做棟篤笑的宗旨。」

Jan又表示今次已是第7次辦辦棟篤笑騷,覺得儲夠10次就差唔多了,最後一次就好想回到首次開騷的伊館,並希望可以像Marvel電影一樣,集齊出動end game。」