FB群組「巴打絲打 Facebook Club」圖片
FB群組「巴打絲打 Facebook Club」圖片

由於父母平日忙於工作,不少有網民在網上發文,指近日乘搭輕鐵並經過青松站時,一個公公與其孫女在談及拜山時,孫女聽到公公說:「我好老㗎啦,我都就嚟死㗎啦!」後,隨即爆喊。

該網民在facebook群組「巴打絲打 Facebook Club」發文,指經過輕鐵青松站時,孫女問公公「做咩咁多人嘅?」時,公公隨即回答因為拜山。其後,孫女憶及自己上次拜姨婆的經歷,並問「姨婆係咪死咗㗎啦?」及「係咪唔會再返屋企㗎啦?」,並反問公公「咁你呢?」。該公公回答指,「我好老㗎啦,我都就嚟死㗎啦!」,以及「無人湊你㗎啦,你自己返學㗎啦!」。孫女聞言後隨即爆喊,並指「公公,你唔好死呀,你唔好死呀」,並由青松站喊至兆康站,直至公公指 :「好啦好啦,我唔死啦」,才停止哭泣。其感動場面令樓主不禁留言指,「傻妹,你公公點捨得死呀,佢仲要係以後,當你數學考試唔合格、升唔到第一志願嘅中學、俾朋友杯葛、俾人飛、俾老闆炒、同老公嘈交……嘅時候,好似依家咁幫你抹眼淚的。」

不少網民其後紛紛直呼感動,並留言指,「大個如果睇返公公咁回答,其實好感動、好窩心,絕對係一個安全嘅避風塘同強大後盾」、「老人家真係好錫自己孫仔孫女」、「人間有愛」、「有洋蔥啊」、「睇到眼濕濕」等。另外,亦有不少人因帖文,而憶起自己的公公,指「我都好掛住我公公,以前細個返學前成日同佢飲早茶,但佢今年年頭已經過咗身」、「我細個時都係公公湊,有日公公死咗,果時我仲細,唔知公公死咗…之後真係冇人再湊我返學,公公亦冇再接我放學買雪糕…」等。