(星島日報報道)張敬軒《Hinsideout演唱會》前晚舉行第五場,獲得容祖兒、蔡卓妍(阿Sa)、吳浩康、許廷鏗等入場支持,當晚更請來楊千嬅任特別嘉賓與降兩度的軒仔合唱《可惜我是水瓶座》。

  千嬅坦言見到軒仔這麼努力,但覺得上台並非容易的事,又認為無論有幾多經驗好,最重要好有堅持先得。不過軒仔聞言即搞笑謂:「我真係好有堅持,日日堅持番去剃腳毛!我唔介意畀你摸吓。」當千嬅摸完大腿後,她笑問聽講有個好震撼嘉賓,但降兩度上身的軒仔笑指是張敬軒邀請關智斌。

  最爆笑是千嬅即問降兩度的軒仔何時出嫁或幾時自己有個女婿。她說:「你依家咁樣,真係唔係好得喎,你要執執先,執完番上嚟就有姻緣㗎啦。」隨即引來觀眾起哄,降兩度的軒仔即笑謂原來他今日求姻緣。