《So I Say》(見圖)是蘇永康十年前的個人專輯,對他來說,是很重要的「回歸」之作,事關自二○○二年「台灣拘留事件」後,他一直沒有發碟,整整五至六年間,思考、振作、重新出發,《So I Say》是他的「有Say」唱片,憑歌訴說個人心路和看法,而其中由黃偉文寫詞的《黑色禮服》,更是度身訂造的佳作!

作為一個「時裝人」,黃偉文最了解蘇永康愛買衫、愛打扮的嗜好,《黑色禮服》借西裝講人生態度:「逐件試穿,一絲不紊,斟酌那分毫」,落街買包紙巾都要穿得大方得體的一個人,就算知道頒獎禮必定空手而回,都要穿得好好睇睇出席,所謂「輸人唔輸陣」──「換上最光鮮一套,獎得不到,至少姿勢好……敗訴,仍穿得好好先去敗訴」。最精采是全首歌的最後一句:「你……看……好!」,譯作英文就是「You Look Good!」,亦有「你睇住嚟!」的含意,即我準備好東山再起了!

黃偉文這種玩字技巧,令我想起林夕寫過一首《去你的婚禮》給盧巧音,講作為一個「Ex」,如何鼓起勇氣前往舊男友的婚禮,「去你的」除表示前往之意,還表達心裏其實咒罵着這個婚禮,為甚麼可以若無其事邀請我?為甚麼一定要我祝福你白頭到老?

Wyman與夕爺,誰較好?阿媽和老婆跌落水,救邊個先?

文:劉存孝