(星島日報報道)姜皓文同時憑《大樂師.為愛配樂》及《拆彈專家》獲提名第37屆香港電影金像獎「最佳男配角」獎,最終憑後者首度奪獎,他前晚在慶功宴上直言賽前很多人都擔心他會分薄票源,但他覺得無所謂,一直以平常心面對,開始覺得驚都是幾日前的事。

  談到他在台上忘記多謝太太,問到可有被對方詐型?姜皓文說:「佢無嬲我,仲叫我要多謝應該多謝的人,真的好到不得了,佢經常叫我唔好成日講佢,要講一啲幫到我的人。(再買樓送給太太?)現在搵食艱難呀!平時都會送嘢畀佢,不會在特別日子才刻意送禮。(做對方的出氣袋?)歡迎呀,佢好多事都為我着想,佢知我火爆,成日收埋啲說話唔講出嚟,講電話都要出花園,其實我無乜火,佢可以放心講。」