(星島日報報道)黃子華、佘詩曼(阿佘)、張繼聰及鄭詩君(C君)等前晚出席電影《棟篤特工》首映禮,C君笑問子華有幾多片酬,子華鬼馬表示片酬多過C君兩倍,但自己入行三十多年,對方有三年,實屬後浪推前浪,還笑言C君接埋Do姐班!

  談到認為C君可否做接班人?黃子華說:「點止接我班,仲接埋Do姐,希望C君下次做埋幕後,捧紅我同阿佘!」問到C君會否寸他,子華說:「唔係寸!係鍾意,有火花的對話。我好鍾意佢,係盲目嗰隻。」在旁的阿佘笑言當然鍾意C君,人又好、口才好又可愛,還請她打邊爐,不過比較大汗。問到會否不及黃子華和C君轉數快?阿佘笑謂自己轉數都好快。子華則指阿佘轉數快排第一,C君第二,自己第三,只是阿佘不表現出來而已,又指不敢請任何人來首映禮,心理太緊張,但有朋友會包場睇戲,自己不會陪入場睇,驚自己膽汁嘔埋出來,亦發現自己不止幾個朋友,都有廿幾個。

  對於太太謝安琪日前對疫苗的睇法引起大迴響,張繼聰表示是私人群組對話,不是公開呼籲或推廣,與太太對疫苗的睇法有共識,又指專家醫生為保障大家的健康而努力,但自己對西方醫學有不同睇法:「雖然我拍緊戲,都知老婆花了好多時間去睇相關醫學資料,不過有時科學上有好多新發現。作為老公睇到她參考好多資料,始終打嘢入身體,都要為小孩着想。」阿聰表示不評論政府做法,但有些聲音指不是專業不要講,不過認為大家可以自由討論,又指太太對攻擊性的留言不會放在心上,太太只想大家身體健康,亦毋須抽出外泄錄音的元兇,也沒有退出群組。