(星島日報報道)譚詠麟昨日專誠在廣州舉行發布會,公布《廣東歌50週年企劃》;但百忙中也關心老友曾志偉被捲入的風波,力撐志偉之餘,更笑言對方應沒此能力!

  譚詠麟(校長)為年中推出的廣東專輯搞新意,昨日在廣州舉行《廣東歌50週年企劃》發布會,公開邀歌邀詞,吸引年輕人參與;而環球掌舵人黃劍濤、評委成員向雪懷和林敏驄等亦到場支持,並進行敲鑼招募儀式。

  校長特別戴了一個鴛鴦黑色眼鏡框的眼鏡亮相,分別是一邊方形和一邊圓形,寓意任何焦點都可共同創作、集思廣益;又笑言要緊貼時代、貼地氣,希望年輕人踴躍參加,造就年輕人夢想成真。校長續指任何主題也歡迎,即使是肉麻情歌也可。縱橫樂壇數十載的校長坦言只未唱過粵曲搖滾版類別。

  提到如此繁忙,有否時間關心好友曾志偉與藍潔瑛的舊聞被翻炒?校長謂:「昨日看到報道後也有打過電話畀志偉,志偉仲有笑、話『點會係真』,見到佢咁開心,我都唔使擔心,何況佢哋係好好朋友。(指志偉和藍潔瑛?)係呀,所以點會發生咁嘅事,我喺演藝人協會都聽過,如果有人提到藍潔瑛有事,志偉都會叫大家關心吓,因此傳聞係事有蹊蹺。」

  說到內地有「金牌女模教母」之稱的韓穎華亦加把口,矛頭直指志偉,校長說:「我唔知道,亦唔知道乜嘢教父教母,第一、我唔識對方,第二、喺咁嘅時刻,真係千奇百怪、多姿多采。(有指周冬雨也被涉入內?)我真係唔知,故不會評論,如果我知道件事又知非屬實、就會講。」搞笑是最後問到是否相信志偉絕對不會做這些事?校長鬼馬道:「佢應該無咁嘅能力!(無邊方面能力?)老友嚟嘅,唔講得,哈哈!」

  台灣著名經紀人邱瓈寬日前亦力撐相識30多年的志偉,直指謠言屬「百分之三百不可能」,更斥內地「金牌女模教母」韓穎華發放的消息不可能是真。