(星島日報報道)ViuTV全新體育兼清談節目《約咗傅家俊》昨日進行錄影,今集邀請到梁漢文(Edmond)擔任嘉賓。Edmond 笑言已闊別球壇多年,對這遍綠色地已相當陌生。他說:「同安仔(許志安)、Dicky(張衛健)喺尖東打波,92年、93年打到2000年,有10幾年無打過喇!(留低唔少腳毛?)點止啊!咩都有啊!」

  Edmond透露10多年前已跟傅家俊於桌球枱上較量過,他說:「當時我要求佢認真打,好想睇佢認真打係到咩水平。點知佢真係好認真,幾Q就已經打晒。」談到是次節目的比數如何?他笑說:「佢讓我75度,結果係110幾對86。(你最多打幾度?)1Q1度囉!」Edmond坦言桌球室是三五知己聯誼的好去處,希望隨後有時間再次重拾此興趣。

  另外,提到前公司同事楊愛瑾跟吳雨霏鬧不和。Edmond強調沒聯絡亦沒有留意有關報道。問到如何維持兄弟情?多年來有否試過吵架?他笑說:「有嗌交,為咗猜枚囉,明明係中咗!可能男士都係呢啲濕碎事。(有無爭過女?)無,我哋喜歡嘅類型都唔同。」