(星島日報報道)昨日周汶錡、林作等出席銅鑼灣畫展開幕儀式,腹大便便的周汶錡更擔任剪綵嘉賓。周汶錡預產期於3月,昨日是產前最後一次公開活動。提到她日前公開跟愛兒Jacques的全裸照,她認為是入行多年來最有意義的珍藏照。

  此外,前日林作於專欄談論到,麥明詩於網上提及對「七警案」的睇法,結果惹來不少網民大罵他借麥明詩提高知名度。林作強調跟麥明詩對「七警案」立場一致:「個專欄只係講教育,係我寫得唔係咁好,當時趕時間寫,又去緊廁所。係我唔夠敏感度,我唔應該提佢。」

  談到有指他借麥明詩「呃Like」,林作說:「點會啊,如果係呃Like仲有好多嘢可以做。(夾新聞,畀人摑?)好多嘢唔係自願,畀人擺上枱。」另外,麥明詩緋聞新歡張華跟林作前後腳到場。記者要求合照時,林作笑笑拒絕,張華則表示不介意。