黎明鮮有地出席除夕倒數,可惜只現身9分鐘。
  黎明鮮有地出席除夕倒數,可惜只現身9分鐘。

  (星島日報報道)前晚除夕夜,黎明(Leon)鮮有地為倒數活動擔任嘉賓,並以「明福俠」身分現身東港城,近千粉絲夾道歡迎。而他亦心情大靚,與兩旁粉絲握手,可惜僅以9分鐘快閃現身,盡顯巨星風範。

  黎明一現身便與場內觀眾打招呼:「而家係11點55分,2016年12月31號,大家好!」他於台上談到與東港城的緣分:「覺得好開心,唔知大家有冇印象,我同張曼玉拍《甜蜜蜜》其中有一場,係講我哋排隊買樓,當時呢到仲未有建築物,由零開始到依家,呢度有好多食肆,所以係緣份帶我再嚟呢度。」隨後他又談起演唱會籌備進度:「99年第一次開演唱會,好多朋友一齊Enjoy。做咗好多快歌,但係紅館變咗,不過都有機會挑戰。希望歌曲帶俾大家開心嘅晚上。」倒數前拍大合照時,記者要求台上所有歌手、藝人及嘉賓退後一點時,黎明說:「退後啲無用㗎,大家逼埋一齊啦!」他即時帶頭踎低,部分歌手、藝人亦紛紛跟隨。

  踏入2017年,黎明率先跟大家分享新年祝願,他說:「2017希望所有朋友健健康康、開開心心。家在香港的朋友,為各自理想衝刺,預祝大家順利無比!」說畢,黎明隨即下台離開,離開時間為12時零1分,而台上其他歌手藝人包括鄭俊弘、劉佩玥及張彥博等,見黎明如此迅速離去,都大感愕然。

  同場的劉佩玥(Moon)對於能夠出席除夕活動感到非常興奮,笑說:「未開始之前,已經玩到把聲沙晒。」問到可有加緊練歌?她笑說:「為大家耳膜着想,都有練歌嘅,希望可以唱到自己嘅標準。」而鄭俊弘則表示出席倒數活動已有3年,談到昨晚的叱咤頒獎禮,有報道指無線禁止旗下歌手亮相,問鄭俊弘會否出席?他說:「當天有工作去唔到。(公司刻意安排?)唔係,本來預咗去嘅,但要綵排勁歌總選,因為邁向50周年,個騷都幾大型。」更自言未能出席,有些失望。