Previous Next
立法會內會今日討論《逃犯條例》修訂法案委員會的未來路向,民主、建制兩派議員依然舌劍唇槍,火花四濺。自由黨主席張宇人不滿有議員大聲喝罵立法會秘書處,直言「有本事就衝着我嚟」,當人民力量陳志全表達不滿後,張隨即還擊:「你使乜咁大聲同我講嘢呀?你估淨係得你有聲呀?我無聲呀?淨係得你講嘢呀?冇我講嘢呀?」並質疑陳志全針對秘書處,是想「鬧走晒人哋」。

另外,工聯會黃國健口誤,將石禮謙讀成「石舐謙」,工黨張超雄好心提出指正,黃國健黨友麥美娟就批評,身為博士的張超雄嘲笑黃發音不正,「你讀書讀得咁多,去笑個讀書冇你咁多嘅人講嘢唔正,唔係佢醜,係你醜。」不過,緊隨發言的何君堯隨即再讀錯「石舐謙」,引來民主派一陣笑聲,公民黨譚文豪亦說:「何君堯議員完全示範咗,讀書叻唔叻,或者多定少係冇乜關係。」