特首選舉周日舉行,候選人林鄭月娥接受傳媒訪問時,暗批對手曾俊華只是「公關好、包裝強」,在競選過程中「將社會分開兩邊」,質疑對方如何能團結各界。 
林鄭接受有線訪問時表示,選舉應看候選人的往績和前景,稱自己擔任政務司司長的4年間,能紓緩行政立法關係,有信心能夠團結社會。
被問及不獲泛民派選委提名,是否代表其他候選人的凝聚能力比她高。她暗批曾俊華在競選期間分裂社會,「如果我哋冷靜咁睇返呢兩個幾月的選舉工程,就會睇到邊個以一個更加包容嘅方法,邊個以分裂嘅手法去做。」她反問,如果有人在競選過程已「不斷將個社會分去兩邊」,「又憑乜嘢可令人覺得(他)當選後,有團結各界嘅力量?」她說,不可單憑「攞到泛民果三百幾票裏面嘅提名」,便視為可團結社會,強調建制派亦是社會十分重要的板塊。
林鄭又坦言,不喜歡「好打得」這個稱號,是別人加諸她身上,因自己並非強硬和不願聆聽意見的人,但強調「行政長官呢份工作,唔係大家開開心心就得,香港而家有好多好多嘅問題。有決心處理問題,過程一定係艱辛,喺艱辛過程內面,一定會有人感到唔舒服。」她指,從來不會以開心作為做公職的指標。

特首候選人包括曾俊華、林鄭月娥及胡國興。

特首選舉2017專頁(按這裏)