Ada還分享BB手仔相,坦言是大隻仔。
Ada還分享BB手仔相,坦言是大隻仔。

  (星島日報報道)46歲蔡少芬(Ada)今年6月宣布意外再懷孕,高齡陀第三胎,昨日傳來喜訊,Ada已順利誕下第三胎,母子平安,今胎意外追到囝囝「樂兒」,可喜可賀!一家五口平安回家,張晉第一時間在微博上載全家福報喜,他表示囝囝重8磅2安士,是大隻仔。

  Ada之前提過當年拍內地劇《後宮甄嬛傳》時曾經歷小產,始後未再成功懷孕,她和老公張晉亦因此打消追仔念頭。惟今年Ada意外發現自己再有喜,兩夫婦於6月在微博宣布好消息,突然做高齡孕婦同時湊兩個女兒,Ada仍然如常周圍去,近日Ada更已順利「卸貨」。張晉昨日在微博分享一家五口全家福,還有BB手仔照,留言報喜:「11月15日,母子平安,歡迎張樂兒來到張家,我們平安回家啦。」

  隨後張晉透過電話回應:「我哋當然係非常之開心啦,又平安。其實不嬲都無諗過再有,所以真係封呀!封呀!再唔封我封呀!BB重3.69kg好大隻,好健康呀。」

  再為人母,Ada昨日開心表示:「BB重8磅2安士,好健康,老公有跟埋入產房剪臍帶,好照顧我。」問到相隔多年再懷第三胎的心情,她坦言:「一開始好驚,又要重新學習湊BB,但一見到BB嘅時候就好感動同眼濕濕。好感恩又好興奮,多謝上天畀咗一個寶貴嘅產業我。」

  至於大女和細女見到弟弟的反應,Ada表示:「兩個家姐都已經大個女,所以好錫個細佬。樂兒嚟到呢個家庭會好幸福,有個好愛佢嘅爸爸、媽媽同家姐。」追仔成功,問到Ada是否決定封肚?她笑言:「其實6年前已經封咗肚,今次係一個感恩嘅意外。(會唔會減產湊仔?)就算生多咗個都唔會減產,大家記得有工作就要搵我啦!」

Ada坦言今次是意外懷孕,感恩又興奮。
Ada坦言今次是意外懷孕,感恩又興奮。

張晉、Ada第一時間分享全家福,一家五口幸福美滿。
張晉、Ada第一時間分享全家福,一家五口幸福美滿。