蘋果綠茶大家飲得多,蘋果可口可樂好快都可以飲到喇!日本可口可樂公司在ig隆重宣佈全新口味的蘋果味可口可樂將會在9月16日推出!這瓶亦會是世界上第一瓶蘋果味的可口可樂!

這款今個秋天限定的蘋果味可口可樂,日本可口可樂公司都很隆重其事,找來綾瀨遙賣廣告!其實之前綾瀨遙已經幫青檸味可口可樂賣過廣告,今次她換上冷衫,拎住金底紅蘋果加上大量氣泡的蘋果味可口可樂貼面相,未飲齋睇靚女同個咁吸引的包裝已經流口水!

據知蘋果味可口可樂有種味道豐盈帶蘋果甜香,很適合涼涼的天氣,所以特意揀秋天限定推出,下星期去日本的朋友記得試下!

photo source: cocacola_japan, soranews24