(星島日報報道)「龍心」林克霖偕同其時女友「大丁」鄭芷琪,去年十月在東涌一所書院外涉嫌阻止學生回校,又大聲喧嘩,事後被控遊蕩及普通襲擊兩罪,案件昨在西九龍法院續審。涉案女學生在庭上形容兩被告「精神失常」,更表示「你見到行為怪異嘅人,你唔會知道佢下一秒做到啲咩出嚟」,當時感到非常害怕,由後門進校後即崩潰痛哭。二人被裁定表證成立。

  當日受阻未能返校的莫同學供稱,她指自己當時感到十分害怕,兩被告在校門前大吵大鬧等行為「唔係正常人做嘅嘢」,認為二人精神不正常。對於到後門返校時步履穩定,莫回應「驚嘅話唔一定要跑,我係驚到郁唔到嗰啲」,更指自己由後門返校即崩潰大哭。莫同意辯方所指曾感到無奈及煩擾,但強調自己當時感到十分驚慌,「正常人都唔會係學校門口大吵大鬧」。

  「龍心」自辯時透露已沒有當YouTuber,現任職裝修工。他表示由女友口中得知,涉案學校「全港唔接受嘅學生都會派去呢所學校」,他希望可為該校學生提供關於學生操守的講座,於是登門造訪。他解釋因事前與女友有所拗撬而向她「爆粗」,當時亦有學生用粗口侮辱二人,他表示感到「唔舒服」,入校亦只想要學生向他道歉。他指自己在校外高聲說話,只因他是YouTuber要一直攝影,而香港觀眾都愛看衝突,他不過「想要capture interaction」,引起觀眾注意。案件編號:西九龍刑事四四二五——二〇一八。