(星島日報報道)私營殘疾院舍「康橋之家」前院長張健華涉嫌於三十多年前任職視障學校活動助理期間,在校內及夏令營五度非禮一名視障女童,案件昨於區院續審,張在錄影會面中反駁指:「我自己個運動員生涯就好忙嘅」,「我咁大隻入去,無人見到㗎咩」,「根本就無o依件事情……o依家三十幾年後我先第一次聽到呢件事」。

  五十七歲被告張健華在庭上播放錄影會面片段中,承認自己曾於涉案學校任職活動主任,負責籌辦學校活動及旅行,管理康樂室及小賣部。但當時因「年少氣盛」而向學生透露學校行政機密資料,以至與其他活動夥伴有拗撬,「我已經係所學校成九年幾,太熟啦,根深柢固啦,啲同學又對我唔係好尊重,佢哋應該叫我張Sir,但係佢哋都叫我健華,好似無大無細咁」,「同啲同事嘅關係又唔好,傾唔埋」,故在校方召開校內會議後自動辭職。

  張指自己與女事主X只是學校內的「兄弟姊妹」,是同校的寄宿學生,「我唔係好記得佢……無乜特別熟絡……一個學兄……一個學妹咁啦……打個招呼咁」,張又指二人並不了解對方,亦甚少聊天。張被指在校內非禮X,但張反駁指「四處都有職員睇住㗎,我哋係職員嘅監察之下生活」。

  當警員問及張曾否在學校圖書館內見過X,張回答:「我無無無……我無見過佢……無見過佢」,張堅稱自己在案發期間已完全離開涉案學校,亦已放棄學業而專注游泳,「我自己個運動員生涯就好忙嘅」,「我咁大隻入去,無人見到㗎咩」。張強調,「根本就無o依件事情,我唔明呀……如果真係……點解次次見到我都唔走嘅」,「o依家三十幾年後先第一次聽到呢件事」。

  案件本周四續。案件編號:區院刑事一一五四——二〇一七。