(星島日報報道)黎諾懿及苟芸慧昨日為親子活動擔任嘉賓。問黎諾懿為何不帶兒子小春雞參加?他透露因小春雞早前發高燒:「好彩唔係流感,發咗3日高燒,好彩第4日準備入院,佢就退燒。同埋如果我個仔嚟,佢應該會掃場,因為佢比較活躍。」他坦言若帶著兒子工作,必定會令他分心。

  此外,苟芸慧聽着黎諾懿談湊仔經,坦言覺得非常羨慕,苟姑娘笑笑說:「係呀,我見啲姊妹都會帶埋小朋友出嚟,我而家努力緊,唔好畀壓力我!」