(星島日報報道)蕭正楠、陳凱琳(Grace)齊為商場賀年活動擔任嘉賓,除了與現場觀眾玩遊戲外,又即場獻唱助興。蕭正楠坦言來不及豬年生豬BB,因太太黃翠如已開始拍劇,但阿蕭自誇蕭家繁殖力強勁,所以暫時不打搞翠如。

  蕭正楠和黃翠如去年於紐西蘭完婚,今個農曆新年正式派利是。提到首年習俗派雙封利是,阿蕭笑說:「佢(黃翠如)都係旨意我搞,因為雙封要預多點。」他透露今個新年會跟翠如拜訪整個家旅,爸爸親戚有近百人,笑說:「姓蕭嘅繁殖能力好強。(你遺傳到繁殖能力?)勁唔勁好難講,但功能上絕對無問題!」談到生豬BB,阿蕭坦言來不及,因翠如要拍劇,笑說:「我無謂搞佢喇,等佢早點瞓,好好休息,之後慢慢搵機會再同佢傾。」

  此外,阿蕭抵死地提到,黃澤鋒太太52歲都能成功懷孕,因為生小朋友已沒有年齡限制,他笑說:「話唔埋翠如60歲都可以生。(但你64歲呢!)放心,阿廉(曹永廉)教咗好多偏方畀我!」

  至於陳凱琳(Grace)則坦言特別鍾情豬仔物件,自己亦喜愛粉紅色,但今胎是男孩子,唯有忍手買少點粉紅色衣物。她透露已拍攝了大肚寫真,笑言:「第一次着好貼身嘅衫,我唔想太性感。可能生之前會再影多次,睇下到時嘉穎想唔想陪我影。」