(星島日報報道)鄭中基(Ronald)昨日為到ViuTV清談節目《約咗傅家俊》擔任嘉賓。但Ronald比預定時間遲了1小時才到場,他解釋因拍攝而遲到,笑言並不是在拍攝《警訊》。

  談到打桌球,Ronald表示中學時代有玩過,但技術相當不滯。談到要傅家俊讓多少度?他笑說:「唔駛讓!佢見我一打就唔會同我打,嘥時間!」他相信是次應約,最主要都是跟傅家俊聊聊天,談談湊仔經。

  此外,日前杜汶澤於facebook貼文,嘲笑《警訊》內容不滯,而Ronald亦踩多一腳。他笑說:「我睇咗個頭就睇唔到落去!依家邊有人喺公園拍拖,仲要玩拍手。個女仔返屋企,個男仔真係扯住佢叫佢小心啲!咩啊!有獅子老虎啊?最後原來兜咁大個圈,係叫人唔好亂拋垃圾,導演、編劇質素,真係。」記者提到這樣才多人留意,他笑說:「咁又係!咁要多謝阿澤啦!咁要原班人馬再拍喇!」

  另外,提到前公司同事楊愛瑾(Miki)跟吳雨霏(Kary)鬧不和。Ronald表示跟她們甚少聯絡,更沒有留意相關報道。提到他曾跟Miki傳緋聞,他說:「唉!都咁耐咯。」